是咁的，我尋晚見得閒去海之戀商場食晚飯兼行吓。
我見呢間“品川日本料理”門口餐牌介紹除咗放題仲有晚餐，因為唔想食太耐，加上我老婆同阿女唔食生野，所以打算入去食晚餐啦，門口MK仔部長安排我地入座，初頭都覺得無乜野既。
點知坐低個肥妹仔女侍應話晚餐製作可能需時30分鐘，咁我就惗住叫少少A la carte ，叫個晚餐，邊食A La carte邊等晚餐，三個人啱啱好。
好啦落單啦，換咗個新仔黎落單，A la carte佢都落曬單，但係晚餐佢竟然話無，我就話頭先肥妹仔話有個播，跟住肥妹仔黎幫我落單，但係當中有個中年阿叔侍應走過黎好晦氣話晚餐宜家做唔到俾你架！但係我再問肥妹仔，佢答應我可以落到，照樣需時30分鐘，我ok，因為同佢之前講既相符。
之後我見阿肥妹仔落單入機時，中年阿叔係度狂屌肥妹仔，但係肥妹仔無理佢。
過左一陣個MK仔部長過黎調停，佢唔係問其他侍應我點左乜，而係直接過黎問我，佢第一句就屈我：“你頭先入黎果時唔係話食放題既咩？”我即刻火都黎就話：“我幾時有講過我要食放題啊！”就算我有講過，我唔可以改變主意架？跟住佢問我點左乜，我已經好火啦，點知佢宜家連我點既A la carte都話要煮1個鐘，我話頭先肥妹仔話晚餐都係30分鐘，你個A La carte要1個鐘？MK仔就撩交打既講話:“我講既先係最準確”。我火都黎埋，就即刻唔食走人，頭也不回。
呢間野根本就係只想你食放題，2大1細加埋佢賺$800，我食A La carte加晚餐可能$300到。
如果唔想賣晚餐同A La carte就唔好放個餐牌出黎，呃左人入去想屈人食放題，態度惡劣不特止，侍應個個既說法不一，mk仔仲敢話佢講既先啱，咁唔該全部單你落曬啦，其他侍應唔好落單啦好嘛？我先唔會俾佢屈到，以後永不幫親。