.
.
.
.
.
.
.
.
.
位於深水埗嘅西九龍中心，雖然只係一個小小嘅平民商場，但佢嘅人氣分分鐘勁過啲大型高檔商場！事關商場嘅9樓，有一架全港獨有嘅室內過過山車－天龍過山車。
呢架過山車喺1994年開幕，直到2003年停駛。停駛14年，佢嘅傳聞一直都冇停過，一時又話佢會拆，一時又話會重開；而停駛原因更加係一個謎…究竟係咪因為死過人要停，又係咪因為過山車要留畀「阿飄」坐，所以要停而不拆呢？
/cloudfront-ap-northeast-1.images.arcpublishing.com/appledaily/3KRVRAHEWM7MJTABOOEHWQSNEQ.jpg)
小編當年有幸坐過，呢架橫誇兩層嘅天龍過山車都真係幾刺激o架
/cloudfront-ap-northeast-1.images.arcpublishing.com/appledaily/P7FIQJITIAA3PJLEM5ERY5MECI.jpg)
呢個地方已經荒廢咗14年，加上溜冰場嘅寒氣，都真係幾陰森
去片先：
/cloudfront-ap-northeast-1.images.arcpublishing.com/appledaily/NKX37VUJRCOT455ARAVLMMQL4M.jpg)
原來謝霆鋒連玩過山車都咁chok (西九龍中心提供圖片)
/cloudfront-ap-northeast-1.images.arcpublishing.com/appledaily/WLIRL3GQIQ4WUUCFGBTH6YYTVM.jpg)
就連黎明都玩過o架(西九龍中心提供圖片)
其實呢架Made in Italy 嘅天龍過山車，圍繞商場嘅8樓同9樓，全程254米，最高時速可以去到每小時25公里。由94年開幕至03年停駛，超過200萬人次搭過，當時只要畀15蚊就可以坐足3轉。想當年有唔少名人﹑藝人都坐過，包括謝霆鋒、黎明、鄧麗欣等。就連大台劇《先生貴性》都曾經喺度取景，認真巴閉！車上嘅安全帶由Day 1已經有，並非好似網上傳聞所講，因為有人拗過出車外先至加設嘅。至於被誤以為係救生網嘅網，其實只係為防萬一有嘢跌落嚟去接住物件嘅啫。
/cloudfront-ap-northeast-1.images.arcpublishing.com/appledaily/WAB63PUZSU3A5C6VMI3P7V6WDI.jpg)
當年嘅嘉欣bb真係好pure好true呀！
/cloudfront-ap-northeast-1.images.arcpublishing.com/appledaily/7DWZSLM4ROU3LSRZEDQU3Y5UBY.jpg)
雖然停駛咗14年，但車身都keep得幾好喎，絕冇甩皮甩骨
一直流傳嘅鬧鬼傳聞，西九龍中心嘅公關向我地證實，當年鑑於美國有室內過山車發生意外，高層考慮過安全問題後先決定停駛，而絕對唔係因為死過人，佢亦再三強調天龍過山車運作期間，從冇發生過意外。至於曾經有網民目睹過山車「自己郁」，公關表示過山車仍然有機電署發出嘅牌照，商場每星期都會有專人做例行檢查，而隔一段時間更加會進行拯救演習o添。
天龍過山車係唔少8、90後嘅集體回憶，唔少人都好想佢可以重開。不過商場方面就賣關子，話唔知會唔會重開，但如果街坊嘅聲音夠熱烈，能夠撼動管理層嘅話，話唔定會重開喎！